S'NPZ ist di erscht Adrässe für Usbildig, Training und Gsundheitsmanagement rund um's Pferd. Näbscht em umfangriiche Kurs- und Verastaltigsagebot für d'Öffentlichkeit bildet s'NPZ au euses Militär und Polizei us.
S'NPZ mit sinere jahrhundertealte Gschicht hät en entscheidende Schritt müesse vollzieh: d' Prozäss digitalisiere und sine Chunde än moderne und ziitgmässe Internetuftritt z'büte und sine Mitarbeitende äs entsprächends Backend zur Verfüegig z'stele.
temu studio hät dä Webuftritt komplett redesigned, d'Digitalisierig vo wichtige Prozäss ufgleist und isch somit mit NPZ is digitale Ziitalter galoppiert.
Nach em Web-Relaunch hämmer eus uf d'Digitalisierig vo kritische Gschäftsprozäss konzentriert. Verfahre, wo bis zu 2 Stund dured händ, chönd jetzt in weniger als 10 Minute erledigt werde. Das hät dezue gfüehrt, dass s'NPZ d'Arbetsbelaschtig um tusigi vo Personalstunde pro Monet hät chöne reduziere.
Als Bispil möchtemer dä Arbetsablauf bi de Reservierig vo Riitbahne dur d'Usbilder ufzeige.
D'Schritt für d'Reservierig vonere Riitbahn uf em NPZ-Trainingsgländ händ bis anhin analog und manuell stattgfunde, sind ziemlich umständlich gsi und händ bis zu 2 Stunde Ziit pro Reservierig brucht.
Dank ere zentrale Codebasis chönnd all Reservierige uf Desktop- und Mobile duregfüehrt werde. D'Buechig, Bestätigung und Aktualisierig vonere Reservation erfolged jetzt in Ächtziit. Dä gsamti Prozäss hät vo mehrere Stunde uf weniger als 10 Minute pro Reservation chöne reduziert werde.
Dur d'Zämenarbet mit fähige und sehr sachkundige Themespezialiste i dä Pferdebranche simmer innere sehr vorteilhafte Position gsi, um ä massgschnidereti Inhaltsstrategie für dä NPZ z'entwickle.
produkt, kürs & verastaltige
Alles was äs Pferd brucht und no vil meh isch für dä Chund sofort verfüegbar. Mir händ äs vollwertigs Online-Shopping und Fulfillment-Erläbnis implementiert.
D'Chunde chönnd sich für jedi Veranstaltig und jede Kurs online amälde. S'NPZ-Team chan debi dä gsamt Prozäss im Backend verfolge und verwalte.
We are a web development and consulting agency and are NOT affiliated with temu marketplace.
You can contact temu online store here →
