A dreamer is one who can find his way only by moonlight and his punishment is that he sees the dawn before the rest of the world.
Oscar Wilde
Ä temu studio Gschicht
Wie dä Oscar Wilde träffend formuliert hät, gsehnd au mir d'Wält dur d'Auge vomeme Träumer. Ime chli andere Liecht. Entfernt vom grelle Schii wo eus ständig bländet und ablänkt. Vill meh sehned mir eus nach em fiine Mondliecht. Nach dä Botschaft wo nöd gschroue, sondern eifach gflüschtered wird. Mir erkäned das als di wahr Chraft hinder erfolgrichem Dialog und Usdruck.
temu studio isch än unabhängigi, inhabergfüehrti Kreativagentur. Züri isch zwar euses Dihei, aber euses Netzwerk erstreckt sich über di ganz Wält.
D'Mänsche wo mit eus zäme schaffed, entfached eusi Lideschaft und eusi Kreativität. Mir rüttled uf, mir erfindet, mir forderet us. Eusne Chunde fallt's uf. Dä Rescht isch Vergangeheit.
Wo dä Bartli dä Moscht holt
storytelling
Früeh hämmer erkännt, dass Gschichte eus tüüf beiflussed. Segs i dä Literatur, im Film, bi Games oder im Internet.
Gschichte mobilisiered Mänsche. Gueti Gschichte sind ziitlos. Vom Design bis hi zur Verpacking werdet dini Produkt und Services devo zehre. Di emotional Reaktion wo ä gueti Gschicht chan erwecke, isch ä usserordentlich mächtigs Werchzüg.
Verzell dini Gschicht, verzell sie guet und sie werdet cho.
Design & Handwerk
Sit früher Chindheit isch jede bi temu studio starch vo Kreativem Dänke und Design beiflusst worde. Es hät eus gformt. Gwüssi Lüt behauptet sogar, dass mer en Knacks i dä Bire händ. 😉
Design folgt agäblich Form. Das stimmt. Für eus allerdings, isch d'Ideefindig und s'Erschaffe vome Produkt än symbiotische Prozäss.
Jezt häsch gseit, was z'büte häsch. Präsentier's und sie werdet chaufe.
Prozäss Logik
Mir sind temu
Mir chüechled nöd
Mir sind ä Boutique Agentur und das sehr bewusst.
Mir wüssed, wo's dure gaht. Au wüssemer was mer wänd und was nöd. Eusi Entschlüss formed d'Qualität vo eusere Arbet und schlussändli au vo eusem Läbe. Entsprächend träffemer Entscheidige sehr sorgfältig und bewusst.
Gnueg über eus. Ab jetzt stahsch du im Mittelpunkt. Erfahr meh über eus. Find use, was mer susch no z'büte händ. →
Eusi Lüt sind uf dä ganze Wält verstreut. Das erlaubt eus mit top-Talänt zämezschaffe. Au git eus das d'Möglichkeit mit Chunde us aller Wält spannendi Projekt umzsetze. Mir fühled eus im digitale Ruum dihei und navigiered en au entsprächend sicher.
Es git eus jetzt scho äs Wiili und drum hämmer gmerkt, dass es sich lohnt, eusi Chunde guet kännezlerne. Zu jedem Projekt möchtemer eusne Partner ä einzigartigi Sichtwiis präsentiere. Mir wähled drum sehr sorgfältig us, mit wem dass mer zämeschaffed.
Simmer gmacht fürenand? Mach euse Test
Mir wachsed a Vielfältigkeit. Verschiedeni Meinige, Hintergründ und Istellige bütet en unschätzbare Mehrwert. Mänsche, wo öppis bewege wänd, motiviered eus exponentiell.
Abwächslig macht s'Läbe süess. Vielfalt isch euse Zucker.
Chund und Agentur
Simmer fürenand gmacht? Find use, ob temu studio dä richtig Partner isch für dich.
