Hey du, los emal...
01
Wer ich bin
Nach mim Master-Abschluss in Informatik und Wirtschaft hani agfange, als technische Projäktleiter in eim vo dä gröschte Unternähme vo de Schwiiz z'schaffe. Han dänn schnäll in ä leitendi Entwicklerposition gwächsled. Ä Rolle wo mir vill besser entsproche hät. Mit dä Ziit und dä Erfahrig isch dä Wunsch ufcho mini neu entwicklete Fähigkeite ime strategische Umfäld izsetze. Das hät vorerscht dä letschti Schritt i minere Karriere igleitet: leitende Berater uf strategischer Ebeni.
D'Beratig und s'Management vo verschiedene hochkarätige Projäkt für mehreri multinationale Unternähme händ eme Bruefsbild ä Bedütig geh, wo ich vermehrt i dä hüttige Unternehmensstruktur ha gseh ufcho. Ä hochspezialisierti, externi Fachperson mit entsprechände Soft Skills, wo in chürzischter Ziit operativ igesetzt werden chan. Di positive Uswürkige uf di meischte Projäkt sind erheblich gsi.
D'Bedütig und d'Allgegewärtigkeit vo däne Fähigkeite wird im Lauf vo dä Ziit immer wichtiger werde. Han drum d'Erkänntnis gah, dass ä solidi und guet durdänkti Beratig äs Projäkt scho vor dä Startphase entscheidend beiflusse chan.
So isch temu studio gebore. Es isch ä bewusst chlini und agili strategischi Kreativagentur wo schnäll i jedem Projäkt igsetzt werde chan, unabhängig vo dä Grössi und Komplexität.
Ich bi stolz druf, gründlich z'schaffe und nöd lang um dä heissi Brei umezschnure. Mini Chunde schätzed das. Ich hoff du au 🙂.
02
Was häsch du devo?
Lüt z'berate, z'gseh, wie sie Sache mached wo sie liebed und ihne z'hälfe ihri Idee z'verwürkliche, isch öppis woni scho immer sehr gnosse han. Es überwältigt mi immer wieder z'gseh, wie än Idee, wo guet durdänkt isch, entsprächend gnau plant werde chan.
Woni temu studio gründet han, hani vil Prozäss müesse verschlanke. D'Frag isch gsi, passed mini alte Beratigsdienschtleischtige zum neue Agebot?
Mir isch schnäll klar worde, dass ich witerhin Lüt ha wele unterstütze, wo hilf bi dä Erstellig vonere strategische Roadmap bruched. So isch d'Idee vo Beratig und Coaching als Service entstande.
Mir händ mit dere Vorgehenswiis grossi Erfolg dörfe fiire. Drum hani mis Beratigsagebot erwiitered und formalisiert. D'Folg isch gsi, dass di neu kreierte Services eme vill grössere Zielpublikum offegstande sind. Es spilt kei Role, wie erfahre du uf däm Gebiet bisch, wo'd ischtige möchtsch. Bring eifach Lideschaft, Entschlosseheit und dä Muet zum handle mit. Scho cha's losgah.
Lahn eus dini Idee i'd Tat umsetze.
03
Wie funktioniert das Ganze?
Du häsch jetzt erkännt, wie wichtig professionelli Beratig isch. Wie wiiter?
Redemer Klartext. Wie wirsch du vo eusere Consulting-Session profitiere chöne?
Mir werdet ä vollli Stund mitenand rede. I däre Ziit chasch mi mit beliebige Frage bombardiere, wo für dis Unternähme und Projäkt relevant sind. Schüss los. Gmeinsam werdemer ä klars Bild vom wiitere Vorgehe usarbeite. Am Ändi vom Gspröch hämmer äs Grundgrüscht für ä operativ isetzbari Roadmap am start.
Zuesätzlich chunsch über:
- ä Ufzeichnig vo eusem Gspröch, wo du jederziit wieder lose / luege chasch
- ä schriftlichi Zämefassig mit erschte umsetzbare Richtlinie gemäss Besprächig
*sobald dä Beratigstermin staht, chunsch di entsprächende Zahligsinfos und Verbindigsdate für dä Zoom call über
04
buech ä Beratigssession
Lahn eus dini Idee i'd Tat umsetze
Buech ä Consulting-Session mit mir. Wähl äs Ziitfänschter, wo für dich passt.
Wotsch mer lieber äs schnälls E-Mail schriibe?