verzell eus über dis Projäkt
füll euses Formular us
häsch ä Frag?
hello@temu.studio

Wie mer temu studio gründet und temuland erschaffe händ

Es git Arbet, wo nur zum Rächnige zahle gmacht wird, und es git Arbet, wo äm Läbe en Sinn git und glichzitig au d'Rächnige zahlt. Mer chan schaffe um z'läbe, läbe um z'schaffe oder dä Arbet erlaube, s'eigene Läbe z'berichere. "Das isch doch nur Semantik und Wortspielerei", saged mängi. Dä Unterschied mag subtil erschine, aber er isch sehr tüfgrifend.

Bi temu studio wämmer, dass eusi Arbet än Sinn ergit. Für eusi Chunde und au für eus sälber. Mir wänd lerne, entdecke und neui Sache usprobiere. Mir gsehnd eusi Arbet nöd als läschtigi Pflicht, sondern als Bericherig für euses Läbe.

Das isch au dä Hauptgrund, warum mir immer dena strebet, besser z'werde. Nöd durchschnittlich z'si. Die Dänkwis erfüllt eus dermasse, dass sie über d'Arbeit usegaht und zur Lidenschaft wird. D'Zfriedeheit, wo mir empfindet, wänn d'Chunde mit eusere Arbeit würkli z'friede sind, isch unglaublich.

Apropos Chunde: Eini vo dä wichtigschte Fähigkeite, wommer i dä letschte Jahrzähnt entwickled händ, isch d'Kraft und d'Entschlosseheit z'ha, schlächti Akteure früeh uszsondere, z. B. Chunde mit fehlgleitete Prinzipie für sich sälber und für ihri Unternähme.

Mir strebed immer ä transparänti und ehrlichi Partnerschaft mit eusne Chunde a. Dänn und nur dänn chömmer eus würkli uf spektakuläri Leischtige konzentriere.

Dä Wäg zum Erreiche vo dene Ziil isch sälte eifach. Wie s'latinische Sprichwort so wortgwandt zum Usdruck bracht hät: "Per aspera ad astra - durch Mühsal zu den Sternen". Mir müend zämeschaffe, und zwar guet.

Ich persönlich han jahrzähntelangi Brufserfahrig chöne sammle, wo mer ä wichtigi Erkänntnis, no hüt gültig, vermittlet worde isch. Mini allmählichi Metamorphose hät als unerfahrene 15-jährige Einzelhandelsagestellte agfange und hät ihre Höhepunkt erreicht, woni i minere Drissiger Multi-Millione-Franke-Projekt in Fortune-500-Unternähme gleitet han.

Öppis hät mer jedoch immer gfählt: d'Befriedigung, öppis z'erschaffe, woni würkli dra glaubt han. Drum hani beschlosse, ä neus Kapitel i mim Läbe ufzschlah und mis eigene Unternähme, temu studio, z'gründe. Mis Ziel isch gsi, än Ort z'schaffe, wo Chunde und Agentur enand würkli als glichberächtigti Partner behandle chönd.

Zum Glück hani mittlerwiile d'Angscht verlore, unbequemi Frage z'stele. Bi temu studio strebemer nach ächte Partnerschafte und nöd nach Uftraggeber-Uftragnehmer-Beziehige; äs Prinzip, wo mir sehr am Herze liit und woni grosse Wert druf legge.

Au simmer besässe mit kompromissloser Chundenzfrideheit. Dä Unterschied won ä guet durdänkti Kommunikationsstrategie i dä Auge vo dä Konsumänte vo eusne Chunde usmacht, ist schlichtwägs unglaublich.

Son än Arbetswiis isch leider i eusere Branche nöd üblich. Drum verstömmer, dass es oft vil Erchlärigs- und Ufklärigsarbet z'leischte git, vor allem i dä Afangsphase vome Projekt. Leg Richtlinie fescht, erchlär immer, was du machsch und bitt dä Chund immer, dini Arbet z'prüefe und nöd nur blind z'glaube, was du verzellsch.

Alles in allem staht eus än kometehafte Ufstieg bevor, sobald all ihre Rhythmus gefunde händ und di erschte Ziil erreicht worde sind. Schnalled eu a, mer flüged zum Mond 😉 .

Wilkome bi temu studio.

Und dänn isch temuland cho

S'jüngschte und beidruckendschte Projekt vo temu studio isch us em Berich vo dä Blockchain- und Distributed-Ledger-Technologie hervorgange. S'Läse vom Satoshi Nakamoto Whitepaper hät i eus ä Lawine vo Optimismus und Dynamik usglöst, wo nüme ufzhalte gsi isch. Ä sone transformativi und disruptivi Bewegig chunnt nur eimal jedes Jahrtuusig. Cryptowährige revolutioniered euses soziale Gefüge imene halsbrächerische Tempo. Da chömmer nöd nur uf dä Sitelinie stah, abwarte und zueluege. Mer händ dä Drang und d'Verantwortig verspürt, euses Know-how allne crypto-neugierige Lüt in Form vonere völlig choschtelose Bildigsplattform zur Verfüegig z'stele.

So isch temuland gebore. En Ort, wo Crypto-Neugierigi nach Herzensluscht chönnd stöbere und entdecke. Es isch en Ort ohni Ischtiigerhürde, en Ort, wo s'Lerne vo däre neue Technologie im Mittelpunkt staht.

S'ganze Projekt isch vo temu studio sälbschtfinanziert worde und isch somit frei vo externe Stakeholder. Au sind all Informatione uf dä Plattform völlig choschtelos zuegänglich.

Es isch eus äs absoluts Vergnüege und en Ehr, temuland uf sim Wachstumspfad für vili Jahre dörfe z'begleite. Mir sind fescht devo überzügt, dass d'Dezentralisierig in Kombination mit Ledger- und Blockchain-Technologie i dä nöchschte Jahrzähnt d'Wält zum Bessere ändere werdet, segs im Finanzwese, in dä Unterhaltigsbranche, i dä Logistik etc.

Us däm Grund bütet temu studio sine Chunde au umfassendi Crypto-Dienschtleischtige a. Informier dich doch über eusi Services.

Mer gsehnd eus uf dä andere Siite.

En herzliche Gruess
Robin Bucciarelli
Gründer und CEO vo temu.studio

Autor Avatar
Robin Bucciarelli
Innovator us Überzügig, strategische Berater vo Bruef, Gründer und CEO vo temu studio

Congratulations!

Dini Schwöschter,
isch eifch geil!

Glaubsch eus nöd?

Chum doch verbi und profitier vom Kännerlernrabatt. Win-win für alli!