bQm Kulturcafé & Bar / SV (Schweiz) AG
You had me at bQm
8:00 – Vorläsig fangt a. 10:00 – schnäll is andere Gebäude wächsle. 11:30 – churz öppis z'Mittag ässe. 12:00 – zwei Stunde Prüefig. 14:30 – Diplomarbet Besprächig mit em Prof.
18:00 - äs chüels Bier wartet im bQm uf mich
Usgangslag
D'bQm Bar isch eini vo dä kultigschte Träffpünkt rund um d'ETH Züri. Sehr beliebt bi Studis, Profs und Touris glichermasse.
D'Zämenarbet zwüsched temu studio und em bQm hat ä sehr langi Tradition. Mir sind bereits bim erschte Start vo dä Website im Jahr 1998 debi gsi und sind's bis hüt no. Mir fühled eus geehrt, dass mer d'Chance übercho händ, d'Website 17 Jahr spöter neu z'gstalte.
Bi dä Entwicklung vo dä neue bQm Website isch äs für d'bQm-Füehrig in Zämenarbet mit dä SV Group wichtig gsi, di künstlerisch Freiheit in Bezug uf externi Stakeholder z'wahre. Die Konstellation hät's temu studio erlaubt, maximali kreativi Freiheit z'entfalte. So hämmer d'Seel und d'Unabhängigkeit vom bQm wunderbar chöne bewahre.
Technischi Aforderige
Ä zentrali Aforderig isch gsi, äs Content-Management-System z'implementieren, wo vo dä bQm-Crew sälber, schnäll und einfach, ohni technischi Känntnis bedient werde chan.
Resultat
Di neu gstalteti Website mit ihrem künstlerische Flair und ihre witzige Inhält bringt dä vom bQm perfäkt zum Usdruck.
Wo d'Geschäftsführung 2019 gwächselet hät, hät sich au d'Website gänderet und isch in ä meh unternähmerischi/corporate Richtig gange. Mir schätzed d'Erinnerige a di gmeinsam Ziit bis hüt. Viva bQm!